Sipa

Najčitanije vijesti

Vezane vijesti

Zadnji recepti

Najnoviji videi

Igre, igrice

Vijesti 1

Vijesti 2

Piše: Insulano

Garški buog Posejdon bi bi se štufo živit u palocu na dnu muora da ni gledo okolo sebe svake vorsti ribe u raznim kolurima. Ma siguro se i ovuon čudi kako sipe i drugi glavonošci minjodu kolure dok su druge ribe uvik iste ma di bile i po kakovoj kurentiji plivole. Ovuode moremo somo spomienit da još ne znomo je Posejdon nabi koju sipu svojin trozubon , a bez kojega ne bi bilo današnjih osti.

Homo naprid! U ono vrime kad u našin molim mistima ni bilo butigih s igraškima pok nismo znali za raznorazne autiće, kamione, pištuole, jeroplane, tenkove i tako daje , dica bi po bonaci gledola iz rive ribice i ribe. Na sipima i muzgovcima su dica oštrila vištu, a s ostima trenirala ribarsko oko i ruku.

Ni tuo bi mačji kašaj pasat priko rive s nabodenon sipicon ili muzgovcen na ostima i donit hi mami doma. A molo dica bi imala bili, šesni brodić na kojemu je vajalo somo ubost koju spicu za jorbul i na njega sašit koju pečicu za jidro. Zanamisto sokolih za luov Buoduli koristidu kalebe i čin kaleb na jedno misto veće vrimena kjuje, tuo je sinjol da je ujo sipu.

Somo sipice moredu s njin letit u kjunu - veće sipe kaleb ostavi onemu ča duojde do njega u brodu. Sipe ne štrucodu kad se zadijedu na peškafuondu i zatuo ribori ne znodu ča su zadili. Ciča tega vajo je pomalo s puomnjon potiezat, a bez saćca tieško je sipu izvadit iz mokrega na suho, jerbo jon se tad upoli svićica i pusti čarnilo po brodu ili za osvetu po riboru.

Još puno vrimena ona u brodu od muke puše i minjo kolure: škurokafene, modrozelene, svitlojubičaste, žutkaste ….ni koluor kamera ne more ćapat sve te mišonce i gradacije njezinih kolurih. Da nisu judi vidili od sipe taku prominu kolurih u krotko vrime , siguro ni oni ne bidu minjali kolure u sebi, na sebi i po sebi prema vrimenu koje duojde i po vitru kojin zapuše.

Tin čovik- sipa pustit će čarnilo i na jučerašnju katridu i na jučerašnje svoje riči da bi na njegovu tuliju ostala fiermo glova pa zatuo i takove jude moremo kontat kako glavonošce.