ALI AS SILVER

Najčitanije vijesti

Vezane vijesti

Zadnji recepti

Najnoviji videi

Igre, igrice

Vijesti 1

Vijesti 2

Piše: Insulano

U ono vrime  kad je daržava na dinarskin bankanotima brisala dvi ništice da bi od storih dinarih dobila nove dinare duošo  je u Molo misto višćun Ali As Silver  ča se piet godišć fudrovo višćunstvon u Indiji. I kad je iz kofera poče vadit stvori, oči malomišćanih, skupjenih u soli  su se sve veće širile od merokulih u špetakulu Ali Asa Silvera

Poče je s gorućon baloticon i stavi je u justa ko pašuratu, a izvadi je  izgošenu nakon čega se iz zonjega rieda  čulo:

„Ovuon hoće nami pokozat da   ni stroha  da ćemo se opeć kad gosimo požare“ 

Kad je izvadi jedon pot i poče lieva-lieva vadit iz njega bankanote raširili su miščani još boje oči, a onda se u  soli ču žienski glos:

„O, da imomo doma takove pote lako bi non bilo ploćat struju, vodu,  radio, općinu,  poreze“, a onda je Lukrica žuntala:

„Ne bi onda onin muoj već govori da darži četiri kantuna od takujina“

Iza pota izvadi je nikoliko lemuncinih i kad bi hi pririzo u svakemu je bila bankanota od stuo dinarih.

„ Luka, pitoj Silvera da ti do sime pok ga usod u vartal, izniknit će ti lemuncin s vitaminima i bankanotima“ svitovo ga je Tuoni na vas glos.

Nakon žutih lemuncinih pojovi se povar Silverove glovie čarnjeni balun i kad  je  balun puko na njegovu ruku sletila je bilo golubica, a onda je Ive kašaduru Jerkotu reko:

„Ovako Jerko, kad grieš u kaču vajo  pogodit, a ne ko ti kad žbaroš sve se tičice razletidu“

As je pusti da se judi malo nasmijedu na Jerkotov račun, jerbo se Jierko  foli u mistu brojen ubijenih prepelic i žbravaric, a onda je Ali izvadi veliku pirju i poče ulivat u nju čorno vino iz butilije, a iz pirje je točila čisto voda.

 Malomišćani se već nisu smijali, jerbo su kapili ko da jin Silver govori:

„ Vidite, vi u vaše konobe morete činit od vodie vino, ma ako ste kapoci učinte vi od vina vodu!“